De friemen Uji vun Tënten

(Text: Luc Guillaume)

Soubal hien moies aus de Fiederen
Do gëtt sech scho mat Wäiwaasser gewäsch
Beim Kaffi an der Bibel bliederen
E Rousekranz huet hien a senger Täsch
Dee schäinhellege Patréiner
Kiert sou gär vrun aneren hirer Dier
Seng Kanner sinn nach laang keng Schéiner
Mä hie kann natierlech näischt dofir

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Hien ass oft verletzt a senger Éier
Mat Noperen leet hien sech gären un
Da gëtt en well ewéi e Stéier
Hie mengt hie géif vun hinnen all bedrunn
All Sonnden schéckt hien hinnen d’Flicken
Beschwéiert sech d’Musek wär ze haart
Gëff dech dach lo mat deenen Tricken
Soss schäisst mäin Hond dir muer nees an de Gaart

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Nee dee Mënsch ass net ze bremsen
Dee geet engem fatzeg op de Geescht
Ech weisen deem lo gläich seng Grenzen
Da gëtt him duerch d’Schlëssellach geseecht
Sou Leit wi den Usch misst ee schloen
Dir kennt bestëmmt och een esou
Déi een e Liewe laang ploen
Ouni déi do hätte mir eis Rou

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Moossaarbecht

(Text: Michel Guillaume)

Jo an der Zeitung, gesinn se riseg aus
Mä wann ech mäin da kucken, `t ass eppes wéi eng Laus
Dem Noper säin um Pissoir, ëmmer méi grouss wéi mäin
Intresséiert dat, da wierklech guer kee Schwäin ?
Et kënnt dach net op d`Längt un seet meng Maus zu mir
Wat wier ech frou wann et wierklech sou wier. Hatt seet :

Léiwer e Mëllen fir ze fëllen / ouni Pëllen, wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken wou s de muss nodrécken / fir ze técken.

Fréier am Fussball goung ech mol an d`Dusch
D`Situatioun war deemools scho ganz lusch
Meng Matspiller ware gutt bestéckt
Just ech hu mech an den Eck verdréckt

Bréck:

Et kënnt dach net op d`Längt un
Sot d`Madame an der Buvette
Wat wier ech frou
Wann se wierklech Recht hätt. An se sot :

Léiwer e Mëllen fir ze fëllen , wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken fir ze técken.
Léiwer e Mëllen fir ouni Pëllen, wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken wou s de muss nodrécken.

Bauer sinn

(Text: Luc Guillaume)

E Bugger mat grousse Moulen, ech hunn en décken Haff
Wann ech mäin Silo weisen, jo da sinn se all’guer Paff
Läinzeechen hunn ech masseg, ech hunn zwou lénker Hänn
Mä kräische man ech guer net, ech bäissen op d’Zänn

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

An ass et däischter Nuecht dann an d’Leit sinn all am Bett
Da geet fir mech de Spaass un, meng Stiwwele sti scho prett
D’Schaffbox jo déi bleift hänken, den Trakter ass schonn un
Hu just e Lattexstring un, ’t gi puer Kreesser gezunn

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

E Stall och voll mat Hénger , dee beschten Hunn am Duerf
Wien hei bei mir wëll gackeren, dee kritt ganz gär de Kuerf
Ech hunn déi décksten Eeër, den Dueder ass schéin zaart
Ech ka roueg behaapten dass der Mailchen dat schmaacht

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

Alzenger Oktoberfest

(Text: Luc Guillaume)

De Speck dee quetschen ech an d’Liederbexi ran
Well a mäi Dirnd’l passen ech net méi dran
Den Hittchen un an de Gamsbaart gekämmt
Gëtt lo gläich deen éischte Krou gestemmt

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

De Emzuch man ech dest Joer net méi matt
Well no 100 Meter ass mäin Akku platt
Ech hocke mech léiwer an d’Zelt bei de Krunn
A strécken mir gemelleg dann eng un

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

Jo hei zu Alzeng drénkt deen een deem aneren zou
Gedanzt a geschunkelt gëtt hei souwisou
Ein Prosit, de Kouer dee séngt
Dass d’Sonn an den Häezer am Uelzechtdall schéngt

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

Ass dat Faass da geplëmmt, dat mécht dach näischt mir kommen d’nächst Joer erëm

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

D’Liewen ass kee Kichelchen

(Text: Luc & Michel Guillaume)

Beim Neelen op den Daum gehan
Vu Fraleit gëss de ni verstan
Vum Waasser gëss de och net voll
D’lescht Geld krut ech vum Wiert geholl
Dat Aalt schléit Zodi an der Bud
Gi bei d’Jongen do brennt nach Luucht

Refrain:
D’Liewen ass kee Kichelchen
Schreif dat an däi Bichelchen
Schnäiz dech an däin Dichelchen
Well d’Liewen ass kee Kichelchen

Ongewollt koum ech op d’Welt
Am Liewen war ech ni en Held
Ech sinn net schéin an och net räich
En aarmen Däiwel, kräisch kräisch kräisch
Dat Aalt schléit Zodi an der Bud
Gi bei d’Jongen do brennt nach Luucht

Refrain

Am Bistro hänken ech beim Patt
Mat mir drénkt laang scho kee méi mat
Am léifsten war ech op der Knupp
Mä lo sinn ech an dësem Club
Dat Aalt schléit Zodi an der Bud
Gi bei d’Jongen do brennt nach Luucht

Refrain

Ass mir mol net wuel doheem
Stinn ech och alleng am Reen
Ass däi Liewen op der Kopp
Da spanen si de Präbbeli op

Béier a Frënn

(Text: Michel Guillaume)

Denk net ëmmer dru wat soss lass ass, mir liewen haut an elo
De Kapp zerbriechen net ëmmer gutt ass, mir si fir dech do
Ze vill Gedanken iwwert dat wat war, du verpass de Moment
Rapp dech um Rimm a gëff elo Gas, ze laang hues de scho verpennt

Gräif der e Glas, gräif der e Frënd, t`ass egal och wann e spënnt:

Mir hate just nach Béier a vill Frënn
Bleif bei eis egal ob déck ob dënn
Looss et kraachen haut gëtt et keng Sënn
Well wat ons bleift ass Béier, a gutt Frënn

En décke Kapp net ëmmer schlëmm ass, Haaptsaach Spaass derbäi
D`Liewe genéissen oft verschweesst gëtt, zum Gléck si mer nach fräi
Gräif dech un d`Bëlls a fro dech eemol, virwat sinn ech hei?
Wat ass dir, da méi wichteg, Kollegen oder schéint Gezei?

Gräif der e Glas, gräif der e Frënd, t`ass egal och wann e spënnt:

Mir hate just nach Béier a vill Frënn
Bleif bei eis egal ob déck ob dënn
Looss et kraachen haut gëtt et keng Sënn
Well wat ons bleift ass Béier, a gutt Frënn

Du bass gutt geroden

(Text: Luc Guillaume)

Deng Mamma ass keen Hellen, dat mierkt een wann se schwätzt
E flotten Aasch vun hannen an Hoer op de Klätz
Am léifste steet däi Papp am Kalzong baussent der Dier
Mä du, du bass hiert bescht Geschir

Du, nëmmen du, du bass gutt geroden
Du nëmmen du, du bass sou schéin
Du, nëmmen du, du bass gutt geroden
Du nëmmen du, du bass sou schéin, du bass sou
wonner wonner schéin, du bass sou schéin

Däi Monni ass kee Gudden, mä en huet eng stramm Maschinn
Seng Fra déi weit dat duebelt an dann déi Fiseminn
D’Tigerleggins mécht hier Been nach laang net schlank
Mat Tréinen an den Aen geleet vun deem Gestank

Du, nëmmen du, du bass gutt geroden
Du nëmmen du, du bass sou schéin
Du, nëmmen du, du bass gutt geroden
Du nëmmen du, du bass sou schéin, du bass sou
wonner wonner schéin, du bass sou schéin

D’Ketty huet de Metti mat der Wichsbiischt an der Hand
Sou frech wéi Rotz a sténkeg, dat ass dach allerhand
Pak bei Pak gesellt sech gär, dat weess dach all Kand
Géint dech do so’n ech näischt do bleiwen ech charmant

Du, nëmmen du, du bass gutt geroden
Du nëmmen du, du bass sou schéin
Du, nëmmen du, du bass gutt geroden
Du nëmmen du, du bass sou schéin, du bass sou
wonner wonner schéin, du bass sou schéin

Jumbogang

(Text: Michel Guillaume)

„Ech begréissen iech ganz häerzlech op eisem Vol
Och wa mir si ganz séier kréie mir keen Pretekoll, kee Pretekoll“

Hues de mol den Eekel a wëlls eng kleng Rees man
Kaf der dach en Ticket fir op de Findel oder Hahn
D`Handgepäck ze grouss, keng Plaz méi an der Waliss
Vergiess net d`Thrombosestrëmp soss kriss de rëm eng Wariss

T`ass déi flott Madame, aus dem Jumbogang
T`ass déi flott Madame, aus dem Jumbogang

„Komm dir Monsieur sëtzt iech hei an äre Sëtz. Mir kucken no iech mir si sou séier wéi de Blëtz.“

Eng Kamell fir ze lutschen, eppes fir tëschent d`Zänn
A fir d`Propretéit, en Dichelchen fir d`Hänn
Eng Mini-Béchs mat Cola e Whisky fir d`Stëmm
Du brauchs just ze froen, et ass dach guer net schlëmm

T`as dee flotten Typ, hie këmmert sech ëm d`VIP
T`as dee flotten Typ, hie këmmert sech ëm d`VIP

“Da komm dir Madame hei ass d’Toilett, mä vergiesst net är Geen rëm
stramm fest ze zéien dono. Well dir wësst jo wann Turbulenze kommen,
da geet et mol e Strapp méi séier.”

D`Rees as gläich eriwwer, mir kommen op en Enn
No der Landung, penibel geklappt an d`Hänn
D`Deckelen vum Handgepäck déi gi ganz féx op
An dee léiwen Typ, gesäit aus nach ëmmer top!

T`ass déi flott Madame, aus dem Jumbogang
T`ass déi flott Madame, aus dem Jumbogang

„Dir Dammen an dir Hären, ech géng iech bieden eng bequem Sëtzhaltung anzehuelen, äre Sëtz riicht ze stellen an ären Dësch anzeklappen. Oh Monsieur wat hu dir awer do eng prall gefëllte Katztut.“

T`as dee flotten Typ, hie këmmert sech ëm d`VIP
T`as dee flotten Typ, hie këmmert sech ëm d`VIP
T`ass déi flott Madame, aus dem Jumbogang
T`ass déi flott Madame, aus dem Jumbogang

Den aarme Geescht

(Text: Luc Guillaume)

No 1-2 Pätt do gëtt hie kéng
Mä frech gëtt hien eréischt no zéng
E streit mat jiddferengem hei
Versäift am léifsten seng ganz Pei

Seng Spiichten si bei eis bekannt
All Owes gëtt de Wiert vernannt
Säin Aalt léist hien lo net méi drun
Well hien huet hat bedrunn

Refrain:
Oh mäi léiwe Männi, wat hues du gestiicht
Oh mäi léiwe Männi wien hues du geb…

Blumme schenken hëlleft näischt
Et huet och kee Wäert dass e kräischt
Verdrësslech ass hien Dag an Nuecht
Déi huet en op der Kusch verbruecht

Komplimenter zéien net
Och wann hien säin Häerz ausschëdd
Hatt ass lo de Chef am Haus
An hie flitt gläich eraus

Refrain

Sou Männer sinn eng komesch Zort
Kee Wak méi an och d’Fra gläich fort
De Männi hei jo deen hat Pech
De krut zerguttst de Kapp gewäsch
Weess net wat hien maache kann
Doheem do kënnt en net méi eran
E wunnt lo bei de Gaardestill
Oh wat en Trauerspill

Refrain

Sportslidd

(Text: Michel Guillaume)

D`Lafschong, am Schaf verstëbst
6 Grad dobaussen, wat eng Hëtzt
Den Jogging passt, scho laang net méi
De Bléck am Spigel, deen deet wéi
Magnesium, dee steet prett
Ech muss`t just packen aus dem Bett
E Been an d`Luucht, et deet scho wéi
Krenondijëfft, de Kramp am Knéi

Knapps virun der viischter Dier, vun uewen kënnt eng Dusch
Wéi schued soen ech mir, a séier rëm op d`Couche

Emol de Mount gëtt Sport gemaach, mam Keeleclub beim Wiert
Verletzungen sinn ausgeschloss, soulaang meng Fra Heem fiert
Emol de Mount gëtt Sport gemaach, mat Ham, Fritten Zalot
Muskelkueder gëtt et net, just Buttek, mol am Stot

En neie Velo, dee muss hier
Ech trau‘ mech soss net, virun d`Dier
3 Mill gedréit, wëll keng Blamage
E steet dach just, an der Garage
De beschten Outfit, hunn ech kaf
Et kënnt näischt drun, hänkt just am Schaf
Ech sinn e groussen, Optimist
Jo falls ech wierklech, fuere misst

Knapps virun der viischter Dier, vun uewen kënnt eng Dusch
Wéi schued soen ech mir, a séier rëm op d`Couche

Emol de Mount gëtt Sport gemaach, mam Keeleclub beim Wiert
Verletzungen sinn ausgeschloss, soulaang meng Fra Heem fiert
Emol de Mount gëtt Sport gemaach, mat Ham, Fritten Zalot
Muskelkueder gëtt et net, just Buttek, mol am Stot