Fett sinn

(Text: Michel Guillaume)

Ech iessen gesond a keen Dreck, beim Kaffi just Eeër mat moerem Speck
Do ass jo kee fett dran
Keen Zocker maachen ech mir a mäin Téi, 7-8 Natreen kee méi
T`ass jo kee fett dran
Mëttes just eng kleng Zalot, mat Thon a Saumon ass ugesot
Well ausser Omega 3 ongesiedegt Fettsaieren, ass jo kee Fett do dran

Firwat sinn ech dann ëmmer mat menger Panz gehäit,
Am Mc Donalds drénken ech dach nëmmen Cola Light
Eng Zoossisschmier ouni Botter huet dach kee Fett, Fett, firwat sinn ech sou fett?
Op meng lecker Mettwurscht kënnt mol keng Mayonnaise
Aus beschtem Rouerzocker ass gemaach mäi Gebeess
Meng Fritten man ech just am beschte Biofett, Fett, firwat sinn ech sou fett?

Owes just e Bifdek vum Rand
Ouni Zooss dat versteet all Kand
Well do ass jo d`Fett dran
E klenge Pättchen Rouden nach
Dat hieft de Bluttdrock aus dem Lach
An t`ass kee Fett dran
Duerno Schockela virun der Këscht
Mee net dee Wäissen dat ass just Mëscht
Well do ass wéi bewisen dat béist Fett a keng Omega3 ongesiedegt Fettsaieren dran

Firwat sinn ech dann ëmmer mat menger Panz gehäit,
Am Mc Donalds drénken ech dach nëmmen Cola Light
Eng Zoossisschmier ouni Botter huet dach kee Fett, Fett, firwat sinn ech sou fett?
Op meng lecker Mettwurscht kënnt mol keng Mayonnaise
Aus beschtem Rouerzocker ass gemaach mäi Gebeess
Meng Fritten man ech just am beschte Biofett, Fett, firwat sinn ech sou fett?

Dat kann ee flécken

(Text: Michel Guillaume)

Matten an der Nuecht,
10 Humpen an der Panz, d`lescht Geld beim Wiert gelooss
Et ass glat dobaussen mä ech kennen jo meng Mooss
Deen éischte Bam war mäin, de Flick krut mäi Führerschäin
Du koum de gielen Engel mam Hellegeschäin

Dat kann ee flécken, dat kann ee flécken, dat kann ee flécken soen ech dir
Dat kann ee flécken, dat kann ee flécken, dat kann ee flécken sot hien mir

Moies fréi,
Meng Fra déi seet zu mir komm maach du Haut mol d`Wäsch
Du hat ech dach vergiess ze huelen d`Schrauwen aus der Täsch
Et huet ganz haart gekraacht, dat Aalt net méi gelaacht
Du sot ech zu him: Lauschter mol Stupp

Dat kann ee flécken, dat kann ee flécken, dat kann ee flécken soen ech dir
Dat kann ee flécken, dat kann ee flécken, dat kann ee flécken soen ech hir

Mëttesstonn,
Mäi Chef dee sot zu mir, géi mam Bello virun d`Dier
Wuffwuff, hechelhechel, koum den Autobus vu vir
De Chauffeur op der Brems, de Bello just nach eng Flemms
Oh Pardon Monsieur, ech hat äre Mippchen net gesinn. Mä wësst der wat?

Dee kann ee flécken, dee kann ee flécken, dee kann ee flécken soen ech iech
Dee kann ee flécken, dee kann ee flécken, dee kann ee flécken sot hien mir

Owes spéit,
D`Flemm vum Dag gehat, Doheem war zougespaart
Lo gees de mol bei d`Klonte eran well ech sinn zimlech schaarf
Eng Braatsch op mech gewaart, de Männi net méi haart
Entschëllegt Madame wat soll ech domat man?

Dee kann ee flécken, dee kann ee flécken, dee kann ee flécken soen ech dir
Dee kann ee flécken, dee kann ee flécken, dee kann ee flécken sot si mir

De Schmatt

(Text: Michel Guillaume)

Mäi Papp dee sot gëff Zaldot, mä ech wollt,
Just dat ginn wat ech well, jo just dat
Ech wëll gär Schmatt ginn, Schmatt ginn
Dat ass dat wat ech wollt.
Jo einfach Schmatt ginn, Schmatt ginn Schmatt sinn ass mäin Dramberuff

Meng Mamm déi sot Affekot, mäi Jong dann,
Ass däi Brout scho gebak, mä Mamm
Ech wëll gär Schmatt ginn, Schmatt ginn
Dat ass dat wat ech wollt.
Jo einfach Schmatt ginn, Schmatt ginn, Schmatt sinn ass mäin Dramberuff

Meng Bom déi sot hues versot, domme Bouf
Am beschten gees de mat der Schëpp, an eng Grouf
Mä ech wëll Schmatt ginn, Schmatt ginn
Dat ass dat wat ech wollt.
Jo einfach Schmatt ginn, Schmatt ginn, Schmatt sinn ass mäin Dramberuff

D`Liewen huet mech wéi sou oft, ugelunn
Wou sinn ech da wuel gelant, op der Bunn
Mä ech wollt Schmatt ginn, Schmatt ginn
Dat ass dat wat ech wollt.
Jo einfach Schmatt ginn, Schmatt ginn, Schmatt sinn ass mäin Dramberuff

Am nächsten Liewen wäert ech vläicht, kee Schmatt sinn
Sou laang ech net bei Arcelor a Mittal ginn
Ech well bei d’ARBED, ARBED
Do ass de Stol an der Rei
Jo, jo bei d’ARBED, ARBED, déi hunn do dat schéinste Gezei
Jo, jo bei d’ARBED, ARBED, déi hunn do dat schéinste Gezei