Prinzessin

(Text: Luc Guillaume)

Ech wollt sou gär Prinzessin sinn mat Kroun a schéinem Rack
A gëlle Schong mat Blimmercher aus glitzer-rosa Lack
Ech wollt sou gär e groussegt Schlass mat wäissem Päerd a Prënz
Ech hu missen e Lausbouf sinn wéi s de an de Bicher fënns
Ech hu missen e Lausbouf sinn wéi s de an de Bicher fënns

Mat Poppe spillen duerft ech net just Camion, Auto, Kran
Eng Poppekutsch hunn ech ni kritt, dat hunn ech ni verstan
Mat Schiertech an der Kiche sto’n dat war mäi gréissten Dram
Wann ech nach haut drun denke muss da gëtt mäin Hierz mer waarm
Wann ech nach haut drun denke muss da gëtt mäin Hierz mer waarm

Ech hat emol de Knéi geschruppt gepëffert huet et och
Grouss Jongen, nee déi kräischen net, dat war dem Papp säi Sproch
Drop gespaut an ofgewëscht, nee dat war net schéin
Scho koum aus mengem klengen Aan eng Krokodilentréin
Scho koum aus mengem klengen Aan eng Krokodilentréin

Et knirscht

(Text : Michel Guillaume)

Ech sëtze gär a menger Sandkëscht
Mat menger Schëpp a mengem Eemer
Hunn dem Poli seng Pännche gefëscht
Zum Gléck ass hien en Dreemer

De giele Sand fonkelt a mengen Aan
Matt mengem klenge Reech sinn ech Chef hei dran
Meng Hänn di gräifen sou fest wéi e Kran
Niamniam lecker e Grapp voll eran

Refrain:
An et knirscht an et grunscht an et brockt an et schläift
Et bruet an et muelt, tëschent mengen Zänn
Et huwwelt an et piwwelt do mengs de dach du misst
A schmaacht et mol net gutt, dann hat den Hond dohi gepisst

Meng Lieblingsglace ass Stracciatella
Vanill, Mokka Schokela
Eng déck Bull läit uewendrop
Da sinn ech ëmmer ganz gutt drop
De Poli stéisst mech d`Bull fält erof
Ech gi sou rosen am Gesiicht ganz mof
Meng lecker Glace am Kräsi läit
Egal si gëtt awer ragehäit

Refrain

An et knirscht an et grunscht an et brockt an et schläift
Et bruet an et muelt, tëschent mengen Zänn
Et huwwelt an et piwwelt do mengs de dach du misst
A schmaacht et mol net gutt, dann hat den Hond dohi gepisst

Bréck:

Kee Computer oder Telé ka mir mäi Sand ersetzen
Ech packen en hallwen Eemer, domat kann ech mech bretzen

An et knirscht an et grunscht an et brockt an et schläift
Et bruet an et muelt, tëschent mengen Zänn
Et huwwelt an et piwwelt do mengs de dach du misst
A schmaacht et mol net gutt, dann hat den Hond dohi gepisst

An et knirscht an et grunscht an et brockt an et schläift
Et bruet an et muelt, tëschent mengen Zänn
Et huwwelt an et piwwelt do mengs de dach du misst
A schmaacht et mol net gutt, dann hat den Hond dohi geseecht

Lausbouwentricken

(Text: Luc Guillaume)

6 Zillen an e Briet fir drop
Da klammen ech den Hiwwel rop
D’Pedallen dréie vill ze schnell
Dat geet fir d’Gosch an och fir d’Schell

Schalalalalalala, dat si Lausbouwentricken
Schalalalalalala, dat geet och mol fir
Schalalalalalala, dat si Lausbouwentricken
Schalalalalalalala, do blut och mol de Knéi

En Autospneu u Ketten hänkt
Krut ech vum Bopa Jemp geschenkt
Héich geflunn just kuerz gelaacht
Mam Kapp riicht duerch den Drot gekraacht

Schalalalalalala, dat si Lausbouwentricken
Schalalalalalala, dat geet och mol fir
Schalalalalalala, dat si Lausbouwentricken
Schalalalalalalala, do blut och mol de Knéi

En décke Rondel Zoossisswupp
Deen hunn ech bei der Bom geschuppt
Eng Knaus a Mayonnaise derbäi
Ass besser wéi all Huewerbräi

Schalalalalalala, dat si Lausbouwentricken
Schalalalalalala, dat geet och mol fir
Schalalalalalala, dat si Lausbouwentricken
Schalalalalalalala, do blut och mol de Knéi

En Tintekiller Réierchen
Pabeier gutt geknätscht
Dee pecht dem Jeff um Éierchen
Ei wat hat dat gutt geflätscht

Schalalalalalala, dat si Lausbouwentricken
Schalalalalalala, dat geet och mol fir
Schalalalalalala, dat si Lausbouwentricken
Schalalalalalalala, do blut och mol de Knéi

Et ass net schlëmm

(Text : Michel Guillaume)

Du solls dach net op deng Füllfieder bäissen
Net an d`Poubelle deng Botterschmier schmäissen
Net op de Knéie ronderëm rutschen
An endlech ophalen, den Daum ze lutschen ze lutschen, den Daum ze lutschen ze lutschen

Du solls net dem Noper deng Zong erausstrecken
Pass op mat der Tusch dat ginn erëm Flecken
Alt schonn erëm deng Schachtel verluer
An dat alles haut, a wat kënnt muer wat kënnt muer, a wat kënnt muer wat kënnt muer

Oh Upsi, eehm dat war ech net, eehm, jo wierklech net

Et ass net schlëmm, wann emol d`Box kraacht
Net schlëmm wann Nutella, besser wéi Zalot schmaacht
Et ass net schlëmm, wann alt rëm e Glas gebrach
Well am Buttek sou sot meng Bomi, do ginn et der nach, ginn ‘t der nach, do ginn et der nach, ginn ‘t der nach

Du solls ëmmer roueg am Bus do sëtzen
Wann d`Joffer schwätzt de Mond zoupëtzen
Komm rof vum Bam soss fäls de nach
Oh nee, an deem neien Jogging schonn e Lach, schonn e Lach, oh neen,schonn e Lach, den neien Jogging…

Een Af mécht der honnert an d`Box gedonnert !
Wann s du lo kräischs sief net verwonnert
Net sou séier lafe soss fäls de op d`Bomm
An Zack ! Deen neie Brëll kromm Brëll kromm, deen neie Brëll kromm , Brëll kromm

Oh Upsi, eehm dat war ech net, eehm, jo wierklech net

Et ass net schlëmm, wann emol d`Box kraacht
Net schlëmm wann Nutella, besser wéi Zalot schmaacht
Et ass net schlëmm, wann alt rëm e Glas gebrach
Well am Buttek sou sot meng Bomi, do ginn et der nach, ginn ‘t der nach, do ginn et der nach, ginn ‘t der nach

Oh Upsi, eehm dat war ech net, eehm, jo wierklech net

Et ass net schlëmm, wann emol d`Box kraacht
Net schlëmm wann Nutella, besser wéi Zalot schmaacht
Et ass net schlëmm, wann alt rëm e Glas gebrach
Well am Buttek sou sot meng Bomi, do ginn et der nach, ginn ‘t der nach, do ginn et der nach, ginn ‘t der nach

Merci

(Text : Luc Guillaume)

Zënter Laangem spill’ mir de Clown, ouni dass mir Merci so’n
Ongeschlaff sou triede mer op, stellen eis fir iech op d’Kopp
E Laachen an e klenge Bléck, kucke mir op d’Joren z’réck
Frou Stonnen hu mir hei verbruecht, fir d’Stëmmung do hu dir gesuergt

Mir soe Merci, einfach Merci, dass dir zou eis stitt
Mir soe Merci, einfach Merci, dass dir ni d’Nues voll kritt
Mir soe Merci, einfach Merci, et ass geschitt

Vill Lidder vun der Séil geschriww, et feelt och alt emol den Driw
En Humpen an da leeft déi Saach, d’Gedanke fräi a vill gelaacht
Dir hutt eis ni am Stach gelooss, duerch iech do kenne mir eis Mooss
Sangt dach mat dës Melodie, mat iech vergeet eis d’Loscht dach ni

Mir soe Merci, einfach Merci, dass dir zou eis stitt
Mir soe Merci, einfach Merci, dass dir ni d’Nues voll kritt
Mir soe Merci, einfach Merci, et ass geschitt

Mir soe Merci, einfach Merci, dass dir zou eis stitt
Mir soe Merci, einfach Merci, dass dir ni d’Nues voll kritt
Mir soe Merci, einfach Merci, et ass geschitt

Mir soe Merci, einfach Merci, dass dir zou eis stitt
Mir soe Merci, einfach Merci, dass dir ni d’Nues voll kritt
Mir soe Merci, einfach Merci, et ass geschitt

Ech ginn

(Text: Michel Guillaume)

Du bass de wäissen Hai a mengem Goldfëschglas
Wann iwwer d`Strooss ech ginn da gëss du richteg Gas
Du bass de Blatz a mengem Aan, wann ech opstinn
Et ass scho gutt, ech gin.

U menger décker Zéif bass du mäin Kréienaan
Wann ech de Bak opdinn da kréien ech eng gehan.
Du hues mäi Goss mäi Frick, de Benz hunn ech dir ginn
Et ass scho gutt, ech ginn.

A mengem Ënnerleif bass du mäi Galesteen
Wann ech dech kussen wëll spieren ech am Mo däi Been.
A wann ech virun denger Dier, am Reen do stinn
Et ass scho gutt, ech ginn.

Du bass de Mädrescher a mengem Roggefeld
Aus mengem Portmonni hues du scho laang mäi Geld.
A wann ech aarme Wiermchen lo ganz alleng hei stinn
Et ass scho gutt ech ginn, et ass scho gutt ech ginn.

De friemen Uji vun Tënten

(Text: Luc Guillaume)

Soubal hien moies aus de Fiederen
Do gëtt sech scho mat Wäiwaasser gewäsch
Beim Kaffi an der Bibel bliederen
E Rousekranz huet hien a senger Täsch
Dee schäinhellege Patréiner
Kiert sou gär vrun aneren hirer Dier
Seng Kanner sinn nach laang keng Schéiner
Mä hie kann natierlech näischt dofir

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Hien ass oft verletzt a senger Éier
Mat Noperen leet hien sech gären un
Da gëtt en well ewéi e Stéier
Hie mengt hie géif vun hinnen all bedrunn
All Sonnden schéckt hien hinnen d’Flicken
Beschwéiert sech d’Musek wär ze haart
Gëff dech dach lo mat deenen Tricken
Soss schäisst mäin Hond dir muer nees an de Gaart

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Nee dee Mënsch ass net ze bremsen
Dee geet engem fatzeg op de Geescht
Ech weisen deem lo gläich seng Grenzen
Da gëtt him duerch d’Schlëssellach geseecht
Sou Leit wi den Usch misst ee schloen
Dir kennt bestëmmt och een esou
Déi een e Liewe laang ploen
Ouni déi do hätte mir eis Rou

De friemen Uji vun Tënten
Deen deen e sicht jo dee fënnt en
De friemen Uji vun Tënten
Deen deen e sicht jo dee fënnt en

Moossaarbecht

(Text: Michel Guillaume)

Jo an der Zeitung, gesinn se riseg aus
Mä wann ech mäin da kucken, `t ass eppes wéi eng Laus
Dem Noper säin um Pissoir, ëmmer méi grouss wéi mäin
Intresséiert dat, da wierklech guer kee Schwäin ?
Et kënnt dach net op d`Längt un seet meng Maus zu mir
Wat wier ech frou wann et wierklech sou wier. Hatt seet :

Léiwer e Mëllen fir ze fëllen / ouni Pëllen, wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken wou s de muss nodrécken / fir ze técken.

Fréier am Fussball goung ech mol an d`Dusch
D`Situatioun war deemools scho ganz lusch
Meng Matspiller ware gutt bestéckt
Just ech hu mech an den Eck verdréckt

Bréck:

Et kënnt dach net op d`Längt un
Sot d`Madame an der Buvette
Wat wier ech frou
Wann se wierklech Recht hätt. An se sot :

Léiwer e Mëllen fir ze fëllen , wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken fir ze técken.
Léiwer e Mëllen fir ouni Pëllen, wéi ze waarden ob en Haarden
Léiwer e Klengen an e Rengen, wéi e Groussen fir ze stoussen
Léiwer e Kuerzen fir ze muerksen, wéi e Laangen ouni Erbaarmen
Léiwer en Dënnen do Ënnen, wéi en Décken wou s de muss nodrécken.

Bauer sinn

(Text: Luc Guillaume)

E Bugger mat grousse Moulen, ech hunn en décken Haff
Wann ech mäin Silo weisen, jo da sinn se all’guer Paff
Läinzeechen hunn ech masseg, ech hunn zwou lénker Hänn
Mä kräische man ech guer net, ech bäissen op d’Zänn

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

An ass et däischter Nuecht dann an d’Leit sinn all am Bett
Da geet fir mech de Spaass un, meng Stiwwele sti scho prett
D’Schaffbox jo déi bleift hänken, den Trakter ass schonn un
Hu just e Lattexstring un, ’t gi puer Kreesser gezunn

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

E Stall och voll mat Hénger , dee beschten Hunn am Duerf
Wien hei bei mir wëll gackeren, dee kritt ganz gär de Kuerf
Ech hunn déi décksten Eeër, den Dueder ass schéin zaart
Ech ka roueg behaapten dass der Mailchen dat schmaacht

Mëschtkoub, Piff an Héngerjuck, e Bauer sinn ech gär
All Dickelchen weess hei Bescheed, dee leiten ass den Här

Alzenger Oktoberfest

(Text: Luc Guillaume)

De Speck dee quetschen ech an d’Liederbexi ran
Well a mäi Dirnd’l passen ech net méi dran
Den Hittchen un an de Gamsbaart gekämmt
Gëtt lo gläich deen éischte Krou gestemmt

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

De Emzuch man ech dest Joer net méi matt
Well no 100 Meter ass mäin Akku platt
Ech hocke mech léiwer an d’Zelt bei de Krunn
A strécken mir gemelleg dann eng un

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

Jo hei zu Alzeng drénkt deen een deem aneren zou
Gedanzt a geschunkelt gëtt hei souwisou
Ein Prosit, de Kouer dee séngt
Dass d’Sonn an den Häezer am Uelzechtdall schéngt

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm

Ass dat Faass da geplëmmt, dat mécht dach näischt mir kommen d’nächst Joer erëm

Um Alzenger Oktoberfest do halen ech mech um Béier fest
A fält mäi Maass mol ëm, t gëtt een neien t ass net schlëmm